Kacielnia, u jakoj zahinuli piać čałaviek, praciahvaje pracavać
+fota
Na miescy trahiedyi ŭ vioscy Arabaŭščyna Baranavickaha rajonu pracuje kamisija.
Uviečary 24 sakavika ŭ kacielni vioski Arabaŭščyna, što ŭ Baranavickim rajonie Bresckaj vobłaści, byli znojdzienyja cieły piaci mužčynaŭ.
Fota Ludmiły Prakopavaj.
Pavodle infarmacyi Baranavickaha RUUS, mužčyny zajmalisia ramontam adnaho z aciaplalnych katłoŭ kacielni. Zhodna papiarednich źviestak, ludzi ŭčadzieli. Čaćviora ź ich byli miascovymi žycharami, adzin — z susiedniaj vioski. Prakuratura Baranavickaha rajonu ładzić pravierku.
U miascovaj ŽKH ad kamientaroŭ admaŭlajucca. Adnak kacielnia pracuje pa-raniejšamu.