Pa lhotach nanosiać paŭtorny ŭdar
Ministerstva pracy i sacyjalnaj abarony prapanoŭvaje ŭvieści dadatkovyja abmiežavańni na pradastaŭleńnie štomiesiačnaj sacyjalnaj dapamohi dla asobnych katehoryj hramadzian.
Ministerstva pracy i sacyjalnaj abarony Biełarusi prapanoŭvaje ŭvieści dadatkovyja abmiežavańni na pradastaŭleńnie štomiesiačnaj sacyjalnaj dapamohi dla asobnych katehoryj hramadzian.
Pra heta paviedamiła namieśnik ministra Valancina Karalova 26 sakavika na pres‑kanfierencyi ŭ Minsku.
Pavodle jaje słoŭ, heta adna z prapanoŭ pa karekciroŭcy asobnych pałažeńniaŭ ukaza prezidenta ad 14 śniežnia 2007 hoda № 638 «Ab niekatorych mierach dziaržaŭnaj padtrymki nasielnictva».
U pryvatnaści, Minpracy i sacabarony
prapanoŭvaje nie pryznačać štomiesiačnuju sacyjalnuju dapamohu tym hramadzianam,jakija na praciahu apošnich 12 miesiacaŭ, što papiaredničali zvarotu pa adrasnuju dapamohu, nabyli transpartny srodak. Vyklučeńnie pavinny składać siemji ź dziećmi‑invalidami, invalidami pieršaj i druhoj hrupy i šmatdzietnyja siemji.
U dapamozie, pavodle słoŭ Karalovaj, taksama prapanoŭvajecca a
dmović tym hramadzianam, «jakija pracujuć na ŭmovach niapoŭnaha pracoŭnaha časuabo nie adpracavali poŭnuju normu vypracoŭki pa nieabjektyŭnych pryčynach».
Aprača taho, płanujecca źmianić paradak raźliku siaredniedušavoha dachodu siamji abo hramadzianina dla naličeńnia adrasnaj sacyjalnaj dapamohi. U pryvatnaści, dla siemjaŭ, jakija składajucca z dvuch i bolš čałaviek, prapanoŭvajecca prymianiać kaeficyjent, jaki ŭličvaje «efiekt sumiesnaha pražyvańnia».
Jak śćviardžaje namieśnik ministra, ciapier adrasnuju sacyjalnuju dapamohu atrymlivajuć «trochi bolš niapoŭnych siemjaŭ, čym majuć patrebu ŭ joj». «Heta abumoŭlena tym, što dastatkova ciažka ŭstanavić fakt sumiesnaha pražyvańnia maci z asobaj, jakaja źjaŭlajecca baćkam jaje dziaciej, ale nie znachodzicca ź joju ŭ šlubie», — patłumačyła jana.
Minpracy taksama prapanoŭvaje źmianić paradak naličeńnia sacyjalnaj dapamohi.U pryvatnaści, płanujecca ŭstanavić adziny kryteryj patrebnaści dla pradastaŭleńnia dziaržaŭnaj adrasnaj sacyjalnaj dapamohi i bieznajaŭnych žyllovych subsidyj. Hetyja vidy padtrymki prapanavana ŭklučyć u adzinuju sistemu adrasnaj sacyjalnaj dapamohi.
Padstavaj dla naličeńnia adrasnaj dapamohi, na dumku raspracoŭščykaŭ dakumienta, pavinien stać sukupny dachod siamji (hramadzianina) za 12 miesiacaŭ, što papiaredničali zvarotu pa padtrymku. Raniej taki pieryjad składaŭ try miesiacy.
Razam z tym termin vypłaty štomiesiačnaj sacyjalnaj dapamohi prapanoŭvajecca pavialičyć da šaści miesiacaŭ (ciapier — try miesiacy).
Dla naličeńnia adnarazovaj sacyjalnaj dapamohi hramadzianam, jakija apynulisia ŭ ciažkaj žyćciovaj situacyi, kryteryj patrebnaści płanujecca pavysić sa 120% da 150% biudžetu pražytačnaha minimumu ŭ siarednim na dušu nasielnictva.
Jak ličyć namieśnik ministra, realizacyja prapanavanych mier dazvolić «pavysić efiektyŭnaść sistemy dziaržpadtrymki nasielnictva», spraścić praceduru pradastaŭleńnia dziaržaŭnaj adrasnaj sacyjalnaj dapamohi, a taksama «zabiaśpiečyć racyjanalnaje raschodavańnie biudžetnych srodkaŭ za košt spynieńnia finansavańnia vypłat bieznajaŭnaj žyllovaj subsidyi i skaračeńnia administracyjnych raschodaŭ».
Zaraz prapanovy Minpracy znachodziacca na ŭzhadnieńni z zacikaŭlenymi orhanami.
***
17 śniežnia 2007 hoda ŭ Biełarusi ŭstupiŭ u siłu zakon «Ab dziaržaŭnych sacyjalnych ilhotach, pravach i harantyjach dla asobnych katehoryj hramadzian», jaki admianiŭ ilhoty dla mnohich katehoryj hramadzian, u tym liku byłych viaźniaŭ fašysckich kancłahieraŭ i asob, jakija paciarpieli ad avaryi na ČAES, studentaŭ, piensijanieraŭ.
Pryniaćcie zakona vyklikała šyroki hramadski rezanans: u krainie prajšli akcyi pratestu, u parłamient byli pieradadzieny tysiačy podpisaŭ hramadzian suprać admieny lhotaŭ.
Adnačasova z zakonam ustupiŭ u siłu ŭkaz «Ab niekatorych mierach dziaržaŭnaj padtrymki nasielnictva», padpisany prezidentam 14 śniežnia 2007 hoda. Zhodna z ukazam, padtrymka nasielnictvu akazvajecca ŭ formie adrasnaj sacyjalnaj dapamohi ŭ vyhladzie štomiesiačnaj i (abo) adnarazovaj sacyjalnaj dapamohi.