Dzień Voli ŭ Kijevie
+fota
Pierad budynkam Hienprakuratury Ŭkrainy adbyŭsia pikiet, jaho ŭdzielniki patrabavali admović Respublicy Biełaruś u ekstradycyi Ihara Koktyša.
25 sakavika ŭ 12.00 pierad budynkam Hienprakuratury Ŭkrainy adbyłasia akcyja ŭ padtrymku Ihara Koktyša, jaki ŭtrymlivajecca ŭ Simfieropalskim SIZA. I. Koktyša čakaje ekstradycyja ŭ Biełaruś, dzie jaho vinavaciać u zabojstvie.
Arhanizataram akcyi vystupiŭ prezident Instytuta dziaržaŭnaści i demakratyi Ivan Łazavoj. Udzielniki pikietu trymali transparanty i łozunhi «Svabodu Koktyšu», a taksama bieł-čyrvona-biełyja ściahi, što simvalizavała salidarnaść ź biełaruskim narodam, jaki ŭ toj ža samy dzień adznačaŭ Dzień Voli.
Žonka Ihara Iryna Ciuciuńnik vypuściła z kletki biełaha hołuba, što simvalizavała vyzvaleńnie biełaruskaha apazicyjaniera. Paśla pikietu Hienprakuroru Ŭkrainy pieradali piśmovy zvarot z patrabavańniem admović Respublicy Biełaruś u ekstradycyi Koktyša, a taksama adpuścić jaho z-pad varty nieadkładna.