Konkurs školnych kamand «Što ja viedaju pra Jeŭropu?»
Inicyjatyŭnaja hrupa «Kłubu jeŭrapiejskich nastaŭnikaŭ», Biełaruskaje Šumanaŭskaje Tavarystva i Biełaruskaje dobraachvotnaje tavarystva achovy pomnikaŭ historyi i kultury zaprašajuć usich nastaŭnikaŭ, zacikaŭlenych u aktualizacyi viedaŭ ab kulturna‑histaryčnych suviaziach Biełarusi i Jeŭropy, kultury i tradycyjach jeŭrapiejskich krain, sučasnaj Jeŭropie ŭziać udzieł u Šostym respublikanskim konkursie školnych kamandaŭ «Što ja viedaju pra Jeŭropu?».
Historyja konkursu biare pačatak z 2004 hoda, kali prajšło pieršaje spabornictva pamiž školnymi kamandami na viedańnie historyi Jeŭrapiejskaha Sajuza i historyi Jeŭropy. Pieramožcam stała kamanda Ždanovickaj SŠ.
U 2005 hodzie konkurs prachodziŭ u dva etapy: rehijanalnyja paŭfinały i finał u Minsku. Pieramožcam konkursu stała kamanda Rasonskaj SŠ imia P.Mašerava.
U 2006 hodzie tytuł pieramožcaŭ pa vynikach paŭfinałaŭ i finału pierajšoŭ da kamandy Słavianskaj himnazii z Babrujska.
U 2007 hodzie konkurs prachodziŭ u adzin etap, pieramožcam jakoha stała kamanda Jeŭrakłuba «Dzie ja?» (h. Lida).
U 2008 hodzie konkurs znoŭ prachodziŭ u dva etapy: pieršy tur (paŭfinał) — piśmovy test, druhi tur (finał) — kamandnyja spabornictva. Pieramožcami ŭpieršyniu stali školniki sa stalicy — kamanda minskaj SŠ № 207.
Kamandy‑pieramožcy konkursu ŭznaharodžvalisia pajezdkami ŭ Varšavu, Brusiel, Vilniu, Kijeŭ.
Konkurs 2009 hoda budzie prachodzić u miežach ahulnanacyjanalnaj kulturnickaj kampanii «Budźma biełarusami!» na temu:
«Biełaruskaja kultura ŭ jeŭrapiejskim kantekście».
Zadańni konkursu pa nastupnych padtemach:
Historyja biełaruskaj kultury ŭ jeŭrapiejskim kantekście;
Historyja i tradycyi krain Jeŭrapiejskaha Sajuza;
Sučasnaja biełaruskaja kultura jak častka ahulnajeŭrapiejskaj kultury.
Konkursnyja zadańni aryjentavanyja na vučniaŭ 7‑9 kłasaŭ, kamanda składajecca z 5 vučniaŭ i kiraŭnika.
Konkurs 2009 hoda budzie prachodzić u dva etapy:
Paŭfinał.
Finał.
Kamanda‑pieramožca konkursu «Što ja viedaju pra Jeŭropu?» budzie ŭznaharodžana pajezdkaj u kulturnuju stalicu Jeŭropy 2009 hoda – Vilniu.
Kamandy, jakija zojmuć druhoje i treciaje miesca, atrymajuć mahčymaść paŭdzielničać u ekskursijach pa kulturna–histaryčnych miaścinach Biełarusi.
Udzielniki kamandy, što zojmie čaćviortaje miesca, atrymajuć kaštoŭnyja padarunki ad arhanizataraŭ konkursu i kampanii «Budźma biełarusami!».
Pavažanyja siabry, kali Vy zacikaŭleny pryniać udzieł u konkursie «Što ja viedaju pra Jeŭropu?», prosim Vas da 15 krasavika dasłać zajaŭku na ŭdzieł na elektrony adras igken@mail.ru pa nastupnaj formie:
Zajaŭka.
Miascovaść:
Navučalnaja ŭstanova:
Kiraŭnik kamandy:
Uzrost udzielnikaŭ kamandy:
Kantakty: mab.teł. mail:
Čakajem Vašych zajavak i aktyŭnaha ŭdziełu ŭ konkursie!