Łukašenka zahadaŭ dzieciam vučycca i 1 maja
«Kiraŭnikom dziaržavy ŭ metach racyjanalnaha vykarystańnia pracoŭnaha času, zabieśpiačeńnia vykanańnia režymu pracy i adpačynku, a taksama svoječasovaha zaviaršeńnia navučalnaha hoda pryniata rašeńnie ab pieranosie pracoŭnaha dnia va ŭstanovach ahulnaj siaredniaj adukacyi z suboty 2 maja na piatnicu 1 maja [aficyjny vychadny dzień u krainie — «NN»]. Adpaviedny ŭkaz 24 krasavika padpisaŭ Alaksandr Łukašenka, paviedamlaje telehram-kanał Minadukacyi.
Takim čynam, 1 maja ŭ škołach projduć paŭnavartasnyja ŭroki. Raskład vučebnych zaniatkaŭ budzie składzieny ŭ adpaviednaści sa skarektavanym kalandarna-tematyčnym płanavańniem z ulikam śpiecyfiki ŭstanovy adukacyi.