Admienienyja miesiačnyja limity na pasyłki z-za miažy
U Biełarusi ŭniesieny źmianieńni ŭ paradak pieramiaščeńnia praź miažu tavaraŭ dla asabistaha karystańnia. Adpaviedny ŭkaz №146 Alaksandr Łukašenka padpisaŭ 24 krasavika, paviedamili BIEŁTA ŭ pres-słužbie kiraŭnika dziaržavy.
Dakumient, u pryvatnaści, admianiaje miesiačnyja normy pierasyłki tavaraŭ u mižnarodnych paštovych adpraŭleńniach i dastaŭki tavaraŭ pieravozčykam fizičnym asobam u pamiery 200 jeŭra i 31 kh u sukupnaści. Pry hetym pa-raniejšamu buduć dziejničać razavyja normy: košt pasyłki nie pavinny pieravyšać 22 jeŭra, a jaje vaha — 10 kh.
Taksama admianiajucca normy biaspošlinnaha ŭvozu tavaraŭ u bahažy ŭ pamiery 300 jeŭra i 20 kh pry ŭjeździe fizičnaj asoby ŭ Biełaruś naziemnym transpartam čaściej za adzin raz u try miesiacy.
Ukaz ustupaje ŭ siłu ź pieršaha čysła miesiaca, što idzie za miesiacam jaho aficyjnaha apublikavańnia.