U Viciebsku kotka zamknuła svaju haspadyniu na bałkonie: žančyna klikała na dapamohu, razmachvajučy biełaj anučaj
Žycharka doma № 8 pa Maskoŭskim praśpiekcie była zamknionaj na bałkonie šostaha paviercha pa vinie lubimaj kotki. Žančyna stajała i machała biełaj anučaj. Vypadkovy minak patelefanavaŭ u MNS, paviedamlajuć Vićbičy.
Ranicaj 28 maja viciebskija ratavalniki vyjazdžali na niezvyčajnaje zdareńnie — niejki čałaviek telefanavaŭ u słužbu 101 i paviedamiŭ, što bačyć na bałkonie šmatpaviarchovika žančynu, jakaja prosić ab dapamozie. Ratavalniki padnialisia na bałkon pa padjomnaj leśvicy, adčynili dźviery i ŭpuścili haspadyniu ŭ kvateru.
Jak vyśvietliłasia, žančyna vyjšła na bałkon, a jaje kotka vypadkova skoknuła na dźviery i, paviarnuŭšy ručku, začyniła jaje znutry. Žycharka abłasnoha centra vielmi ŭdziačnaja vyratavalnikam za dapamohu ŭ ciažkaj situacyi.