Capkała: Łukašenku možna zanieści ŭ aktyŭ 10 hadoŭ praŭleńnia
Fota Nadziei Bužan
Pra heta eks-kiraŭnik PVT, patencyjny kandydat u prezidenty Valeryj Capkała skazaŭ u intervju Tut.by.
«Cviet raźvivajecca vielmi chutka. My pavinny mianiać i siabie, i ŭłady», — adkazaŭ jon na pytańnie, čamu vyrašyŭ iści ŭ prezidenty.
Na dumku Capkały, Łukašenku možna zanieści ŭ aktyŭ pieršyja dziesiać hadoŭ, a potym varta było sychodzić.
«Čałaviek, kali prychodzić da ŭłady, pierastaje razumieć śviet, jon pierastaje chadzić u kramy jak zvyčajny čałaviek, havaryć ź ludźmi, jon nie jeździć za miažu jak prosta čałaviek, jak prosty čałaviek nie rehistrujecca ŭ aeraporcie. U jaho prosta hublajecca dośvied i razumieńnie», — miarkuje eks-kiraŭnik PVT.
Capkała znoŭ pryvioŭ u prykład, jak uzor kiraŭnika, pieršaha prezidenta ZŠA Džordža Vašyntona, jaki adbyŭ dva terminy i, niahledziačy na ŭhavory, syšoŭ z pasady kiraŭnika krainy: «Zakon jość zakon».
Da taho ž, na dumku Capkały, čałaviek pavinien razumieć, što ŭ jaho jość niejki časavy pramiežak, u jaki treba ŭkłaścisia, kab realizavać svaje płany.
Taksama jon nazvaŭ haliny, jakija patrabujuć nieadkładnych reformaŭ: pramysłovaść, sielskaja haspadarka, achova zdaroŭja i adukacyja.