U Čavuskim rajonie pjany kiroŭca sprabavaŭ schavacca ad DAI i źbiŭ aficera VIDEA
Jak paviedamlaje MUS, u Čavuski RAUS patelefanavaŭ vidavočca i paviedamiŭ, što jon bačyć aŭtamabil Mazda, kiroŭca jakoha moža być pjany.
Supracoŭniki DAI arhanizavali pieraśled aŭtamabila, kiroŭca ihnaravaŭ patrabavańni ab spynieńni. Chutkaść padčas ruchu dasiahała 160 km/hadzinu. Tym nie mienš, u niejki momant parušalnik nie zmoh abahnać usiedarožnik z pryčepam i byŭ vymušany spynicca.
Supracoŭniki DAI sprabavali zatrymać mužčynu i padbiehli da mašyny. Adzin ź inśpiektaraŭ trapiŭ u sałon z boku pasažyra. U hety momant vadziciel vykruciŭ rul i nacisnuŭ na piedal hazu, źbiŭšy jaho naparnika: supracoŭnik apynuŭsia na kapocie, stuknuŭsia ab łabavoje škło, paśla čaho jaho adkinuła na abočynu.
Na ščaście, abyšłosia biez surjoznych traŭmaŭ.
Kiroŭca prajechaŭ jašče niekalki dziasiatkaŭ mietraŭ, adnak u vyniku baraćby milicyjanier u sałonie vyciahnuŭ kluč z zamka zapalvańnia i mašyna spyniłasia.
Za rulom znachodziŭsia 36-hadovy žychar Kryčava. Mužčynu zatrymali. Ekśpiertyza pakazała, što ŭ jaho kryvi było 2,53 pramile ałkaholu.