Štraf i sutki ŭ pastarunku. Žychara Mioraŭ pakarali za płakat «Vybary biez Łukašenki i Jarmošynaj»
Miorski rajonny sud aštrafavaŭ na 135 rubloŭ miascovaha aktyvista BCHD Siarhieja Vasiljeva. 27 traŭnia milicyjanty zatrymali Vasiljeva ŭ centry horadu ź plakatam «Vybary biez Łukašenki i Jarmošynaj». Da siońniašniaha sudu aktyvista trymali ŭ miascovym pastarunku, piša Radyjo Svaboda.
«Siarhiej pravodziŭ svoj pikiet u vielmi ludnym miescy, tam, dzie sustreču z žycharami ładziŭ viadomy błohier Siarhiej Cichanoŭski, — skazaŭ Svabodzie sustaršynia BCHD Pavał Sieviaryniec. — Miarkuju, plakat Vasiljeva «Vybary biez Łukašenki i Jarmošynaj» amal za 2 hadziny pikietu pabačyli sotni čałaviek, i jon šmat kamu pryjšoŭsia pa dušy».
Aktyvist Siarhiej Vasiljeŭ — były nastaŭnik historyi, jakoha zvolnili sa škoły ŭ Miorach. Užo niekalki hadoŭ Siarhiej Vasiljeŭ sprabuje ŭładkavacca pa specyjalnaści. Ličyć, što na pracu jaho nie biaruć z pryčyny apazycyjnaj dziejnaści.