Biełaruski chakieist: U Jarasłaŭli pastavili ŭmovu — ci prymaju hramadzianstva Rasii, ci jedu dadomu. Ja pajechaŭ
Biełaruski chakieist Ivan Drazdoŭ u intervju Tribuna.com raspavioŭ pra toje, jak jamu ŭ svoj čas prapanoŭvali pamianiać hramadzianstva.
— Nakolki viedaju, u kłubie tabie prapanoŭvali źmianić hramadzianstva, ale i ty, i baćki vyrašyli nie admaŭlacca ad biełaruskaha pašparta.
— Tak, my padumali tak: navošta brać rasijskaje hramadzianstva, kali jość svaja zbornaja, jakaja hulaje na top-turnirach? Navošta ŭsio mianiać? Zrazumieła, što nie ja samastojna prymaŭ rašeńnie, mnie hadoŭ-ta było nie tak užo šmat. Baćki parailisia sa mnoj, spytali, ci chaču ja hulać z rasijskim pašpartam. Ščyra skažu, užo tady razumieŭ, što mianiać hramadzianstva nie chaču. Dy i baćki potym skazali, što nie varta.
U vyniku mienavita z-za taho, što ja vyrašyŭ nie brać rasijski pašpart, pryjšłosia źjechać adtul. U «Łakamatyvie» pastavili takuju ŭmovu: ci prymaju rasijskaje hramadzianstva i zastajusia, abo pa-raniejšamu biełarus, ale tady pakidaju kłub, jedu dadomu. Ja abraŭ druhi varyjant.
— U vyniku da 20 hadoŭ ty paśpieŭ zhulać za zbornuju Biełarusi na čatyroch čempijanatach śvietu. Heta, viadoma, kruta.
— Značyć, pryniali pravilnaje rašeńnie, — skazaŭ Drazdoŭ.