U Brytanii pradajuć fłeški «dla abarony ad 5G» za $420
U Brytanii možna kupić USB-fłeš-nakaplalnik koštam 420 dalaraŭ. Jaho vytvorcy śćviardžajuć, što pry dapamozie «kvantavaj ascylacyi» pryłada zdolna abaranić ad tak zvanaha «zhubnaha ŭździejańnia 5G-sietak», piša BBC.
Pradaŭcy hetaj mahičnaj fłeški, jakaja nazyvajecca 5GBioShield, zapeŭnivajuć, što dastatkova ŭtorknuć jaje ŭ kampjutar abo navat prosta pakłaści pobač — i ŭvieś dom budzie pad abaronaj ad 5G.
Nasamreč pryłada źjaŭlajecca zvyčajnaj fłeškaj na 128 miehabajt, jakuju možna kupić za niekalki dalaraŭ.