Premjer Polščy: Jeŭrapiejskija hrošy na «Paŭnočny patok» spansujuć zbroju dla Pucina
Varšavie nie padabajucca prajekty nakštałt «Paŭnočnaha patoku — 2», zajaviŭ polski premjer Matevuš Maraviecki. Jaho słovy pieradaje partał Biznes Alert.
Kiraŭnik urada raskrytykavaŭ pazicyju Hiermanii ŭ spravie budaŭnictva rasijskaha hazapravodu.
«Ja nie liču, što ŭ nas u Polščy panuje žorstkaja antyrasijskaja rytoryka. Adnak jość niekatoryja pytańni, jakija nam nie padabajucca, naprykład, «Paŭnočny patok — 2», — skazaŭ Maraviecki.
Na dumku Polščy, padkreśliŭ jon, jeŭrapiejskija hrošy dla hetaha hazapravoda buduć spansiravać zbroju dla Pucina. Prajekt dazvolić Maskvie adrezać Ukrainu ad pastavak hazu ŭ Jeŭropu, a paśla rabić z hetaj krainaj «usio, što zachočacca».
«Tamu «Paŭnočny patok» i «Paŭnočny patok — 2» ujaŭlajuć takuju niebiaśpieku dla našaha rehijona. Mienavita tamu my krytykujem Hiermaniju», — skazaŭ premjer.
«Paŭnočny patok — 2» praduhledžvaje budaŭnictva dvuch nitak hazapravoda, ahulnaja mahutnaść jakich składzie 55 miljardaŭ kubamietraŭ hazu ŭ hod. Trubapravod praciahniecca ad uźbiarežža Rasii praz Bałtyjskaje mora da Hiermanii. Suprać budaŭnictva aktyŭna vystupajuć Złučanyja Štaty, Ukraina i šerah krain ES.