Rasijskija pamiežniki stali vydavać mikrapropuski svaim hramadzianam dla ŭjezdu ŭ Biełaruś FOTAFAKT
Na rasijska-biełaruskaj miažy rasijskija pamiežniki stali vydavać hramadzianam svajoj dziaržavy, jakija vyjazdžajuć u Biełaruś, svajho rodu mikraprapuski. Pra heta TUT.BY raspavioŭ adzin z rasijskich žurnalistaŭ, jakija pryjechali ŭ našu krainu.
Fota Vadzima Zamiroŭskaha
Jak raspavioŭ TUT.BY rasijski žurnalist, jaki pa prafiesijnaj nieabchodnaści apynuŭsia ŭ našaj krainie, ciapier rasijanin moža vyjechać u Biełaruś, kali nakiroŭvajecca na vučobu, pracu, lačeńnie albo naviedvaje svajakoŭ. Pry hetym, pa jaho słovach, pasažyry aŭtobusa byli vymušanyja nočču kala 2-3 hadzin prastajać na vulicy ŭ čakańni pravierki, bo adnačasova pryjechała niekalki transpartnych srodkaŭ.
— Ale tolki stajać rasijanie, biełarusy śpiać u aŭtobusach. Ja, ułasna, jechaŭ na pracu, u mianie byli paćvierdžańni, akredytacyja — biez prablem puścili. Dali voś hetuju papierku, ale dla jaje ty pavinien 2-3 hadziny pastajać. U pryncypie, z aŭtobusa ŭ nas ssadžvali ludziej: adzin chłopiec davodziŭ, što jon jedzie ŭ Varšavu, pakazvaŭ dazvoł na žycharstva, ale našy [rasijskija pamiežniki] skazali, što aŭtobus jedzie ŭ Minsk, a nie ŭ Varšavu, i jaho vysadzili — raspavioŭ rasijanin.
Pra toje, ci nieabchodna zachavać hety mikrapropusk, rasijskija pamiežniki ničoha nie paviedamili, jak i pra toje, ci źviazana heta z vybarami ŭ Biełarusi ci robicca ŭ ramkach jakich-niebudź karancinnych zachadaŭ.
— Pa idei, ty ŭ vahončyku afarmlaješ, a potym užo na darozie jaho praviarajuć inšyja pamiežniki. Ale ŭ nas nie pravieryli čamuści. Moža, jany niejak vybaračna praviarajuć. Nam skazali, što tut u vahončyku my prosta paćviardžajem svajo prava, a ŭ aŭtobusie da nas zojduć pamiežniki, kalehi tych, i pravierać najaŭnaść hetaj papierki ŭ rasiejcaŭ.
Kamientar situacyi ŭ Dziaržaŭnym pamiežnym kamitecie Biełarusi TUT.BY pakul atrymać nie ŭdałosia, jak i ŭ pamiežnaj słužbie FSB Rasii.