Haračaja linija pravaabaroncaŭ na vypadak zatrymańniaŭ
Apošnim časam u suviazi sa šmatlikimi zatrymańniami kolkaść zvarotaŭ u spring96.org pavialičvajecca. Tamu «Viasna» adkryvaje novyja telefony haračaj linii.
Kali vas albo vašaha blizkaha zatrymali, źviartajciesia u PC «Viasna» pa nastupnych kantaktach:
Terminovy pryjem infarmacyi i terminovaje kansultavańnie pa zatrymańniach:
- Telehram @ViasnaSOS +375 29 543 38 66
- Vajbier pa numary +375 29 543 38 66
- Mabilny telefon haračaj linii Viasna SOS: +375 29 543 38 66
- «Haradskija» numary: +375 17 377 55 40, +375 17 394 63 11
Nieterminovyja zvaroty:
- Hramadskaja pryjomnaja: +375 29 841 39 81 (WhatsApp, Signal, Telehram @Viasna).
Kali vas zatrymali albo vy stali śviedkam zatrymańnia, kali łaska, terminova źviarniciesia na haračuju liniju Viasna SOS i paviedamicie:
- imia i proźvišča zatrymanaha,
- kali i dzie adbyłosia zatrymańnie,
- ci ŭžyvaŭsia hvałt, dzie znachodzicca (chacia b mierkavana) zatrymany,
- ci adnosicca jon da ŭraźlivych hruppaŭ (invalidnaść, ciažarnaść, inšaziemiec, maje małych dzieciej ci starych baćkoŭ i h. d.) albo źjaŭlajecca žurnalistam.
Vam padkažuć:
- dzie možna šukać zatrymanych,
- dzie možna bačyć śpisy zatrymanych,
- čaho čakać u najbližejšy čas i jakim čynam možna dapamahčy zatrymanym, u vypadku aryštu — čaho čakać ad mahčymaha suda, jak da jaho padrychtavacca.
Kali vas zatrymali ŭ rehijonach krainy, to źviartajciesia pa kantaktach, pradstaŭlenych pa adpaviednym horadzie.
U chutkim časie PC «Viasna» zapuścić «bota» dla zbora infarmacyi i dapamohi zatrymanym.