MUS papiaredziła pra «nieadkładnyja miery» da «parušalnikaŭ paradku»
Fota Uładzia Hrydzina, «Radyjo Svaboda»
Pravaachoŭnyja orhany Biełarusi buduć nieadkładna reahavać na sproby parušyć hramadski paradak padčas vybaraŭ. Pra heta zajaviŭ u subotu namieśnik načalnika Hałoŭnaha ŭpraŭleńnia achovy pravaparadku i prafiłaktyki milicyi MUS Respubliki Dźmitryj Kurjan u efiry telekanała «Biełaruś-1».
«Prosim hramadzian vykonvać ustalavany zakonam paradak. U advarotnym vypadku supracoŭniki milicyi buduć vymušanyja nieadkładna reahavać z vykarystańniem usich pradstaŭlenych zakonam pravoŭ i paŭnamoctvaŭ», — adznačyŭ pradstaŭnik MUS.
Pavodle źviestak viedamstva, supracoŭnikami milicyi ŭziatyja pad kruhłasutačnuju achovu vybarčyja ŭčastki, stvoranyja apieratyŭnyja štaby ŭ MUS i terytaryjalnych orhanach unutranych spraŭ. «Asnoŭnaja meta supracoŭnika milicyi — zabiaśpiečyć u ciesnym uzajemadziejańni z členami vybarčych kamisij biaśpieku vybarčaha pracesu i nie dapuścić parušeńniaŭ hramadskaha paradku», — skazaŭ namieśnik kiraŭnika ŭpraŭleńnia MUS.