Pa kryminalnaj spravie ŭ Minsku zatrymany vykładčyk univiersiteta Džordža Vašynhtona
Pra jahonaje zatrymańnie paviedamiŭ siabra Alaksandr Karniajčuk na svajoj staroncy ŭ fejsbuku. Pavodle Karniejčuka, a 2 nočy śpiecsłužby ŭvarvalisia ŭ kvateru Harelika, praviali pieratrus i źvieźli mužčynu.
Jon paśpieŭ patelefanavać baćku i skazać, što jamu inkryminujuć KK 342 «Arhanizacyja i padrychtoŭka dziejańniaŭ, jakija hruba parušajuć hramadski paradak, albo ŭdzieł u ich».
U Minsku razam z Harelikam była jahonaja žonka-amierykanka Marysa, jana nie zatrymanaja. Dzie ciapier Harelik — nichto nie viedaje.
Stas Harelik — daktarant univiersiteta Džordža Vašynhtona. Jahonyja navukovyja intaresy — sučasnyja aŭtarytarnyja režymy. Apošnim časam jon šmat pisaŭ pra biełaruskija vybary.
Nahadajem, 6 žniŭnia Alaksandr Łukašenka skazaŭ, što siarod zatrymanych jość «uładalniki amierykanskich pašpartoŭ, žanatyja na amierykankach, jakija pracujuć na Dziarždep».