Juryj Karajeŭ: Maja pryncypovaja pazicyja — žurnalistaŭ nie čapać
Fota Nadziei Bužan
Pres-słužba MUS prakamientavała temu zatrymańniaŭ žurnalistaŭ.
«Čarhovy raz źviartajem uvahu, što ŭ pieravažnaj bolšaści vypadkaŭ takich dastaŭlenych adpuskajuć biez składańnia administracyjnaha pratakoła. My razumiejem, što hetyja ludzi taksama zajmajucca svajoj prafiesijnaj dziejnaściu!» — havorycca ŭ zajavie.
Pytańni pracy pradstaŭnikoŭ biełaruskich ŚMI, a taksama žurnalistaŭ zamiežnych miedyja, akredytavanych pry Ministerstvie zamiežnych spraŭ, na niesankcyjanavanych masavych mierapryjemstvach ŭziatyja na asabisty kantrol ministra ŭnutranych spraŭ.
«Maja pryncypovaja pazicyja — žurnalistaŭ nie čapać! Akramia vypadkaŭ, dzie jany stanoviacca pamiž parušalnikami i siłami pravaparadku», — takuju ŭstanoŭku svaim padnačalenym daŭ siońnia Juryj Karajeŭ na pracoŭnaj naradzie.
Karystajučysia vypadkam, kiraŭnik MUS jašče raz źviartajecca da žurnalistaŭ nie ryzykavać saboj na niezakonnych vuličnych akcyjach, dzie iduć žorstkija sutyknieńni.