«Nie dapuścicie praciahu hetaha žachu». Domračava źviarnułasia da kiraŭnikoŭ atradaŭ AMAPa
Jaŭhien Jerčak, Tut.by
Čatyrochrazovaja alimpijskaja čempijonka pa bijatłonie Darja Domračava adreahavała ŭ Instagram na padziei, što razhortvajucca ŭ Biełarusi na fonie prezidenckich vybaraŭ.
— Lublu mirnuju rodnuju Biełaruś! I mienavita takuju! Prašu ŭsich, ad kaho heta zaležyć, usich, chto addaje rasparadžeńni, kiraŭniki atradaŭ AMAPa. Spynicie hvałt. Nie dapuścicie praciahu hetaha niespraviadlivaha žachu na vulicach. Luby kanflikt možna vyrašyć mirnym šlacham. Luby. Kali łaska, pačujcie.
Raniej, ranicaj 12 žniŭnia, Darja Domračava taksama apublikavała post, u jakim źviarnułasia da «abodvuch bakoŭ kanfliktu», nahadvaje Tut.by.
— Situacyi na vulicach nie mohuć nie turbavać… Chaču źviarnucca da žycharoŭ našaj cudoŭnaj, lubimaj krainy, da pradstaŭnikoŭ abodvuch bakoŭ kanfliktu: pavažajcie adno adnaho, čujcie adno adnaho i spakojna, cyvilizavana vyrašajcie prablemy. Nie ŭpadajcie ŭ krajnaści, jość i inšyja, humannyja mietady vyrašeńnia prablem. My ŭsie ludzi. Davajcie zastavacca ludźmi, — napisała «Hieroj Biełarusi».
Adznačym, što paśla dadzienaha dopisa mnohija padpisčyki raskrytykavali Domračavu za zanadta miakkuju pazicyju adnosna taho, što adbyvajecca ŭ krainie.
Ludzi pisali:
— Pra jakija humannyja mietady vy kažacie?
— Zrazumieła, što vam jość, što hublać, i nichto nie maje prava vas pra niešta prasić i čahości patrabavać. Ale kali vy vyrašyciesia prajavić hołas, my budziem vam vielmi ŭdziačnyja.