Ministr Karanik nazvaŭ akcyju miedykaŭ «zrežysavanym mierapryjemstvam»
Siońnia miedyki praviali akcyju kala Mieduniviersiteta, jany stali tam łancuhom. Ministr zaprašaŭ ich prajści va Univiersitet, ale jany admovilisia.
Telehram Minzdaroŭja źmiaściła kamientar ministra.
«Sumna bačyć, jak vyrazna zrežysavanaje mierapryjemstva sprabujuć vydać za stychijnuju akcyju pratestu miedykaŭ.
Kryŭdna razumieć, što našych kalehaŭ vykarystoŭvajuć dla stvareńnia karcinki i pravakavańnia siłavoha adkazu pradstaŭnikoŭ orhanaŭ unutranych spraŭ. Dziŭna ŭśviedamlać, što ludzi, jakija vystupajuć suprać hvałtu, admaŭlajucca razmaŭlać i vyrašać prablemy. Bo ŭmieńnie razmaŭlać i čuć — hałoŭny mietad prafiłaktyki hvałtu. Dziŭna bačyć, jak arhanizatary vystaŭlajuć našych supracoŭnikaŭ dla lepšaha kadra, pradstaŭlajučy heta jak stychijnuju akcyju — «stańcie roŭna, pasuńciesia ŭ bok, padnimicie płakat, nie razmaŭlajcie»…
Brydka daviedvacca, što mnohija kalehi, zaklikajučy vyjści na mierapryjemstva ŭ Minsku, sami znachodziacca ŭ inšych haradach ci prosta nie prychodziać na akcyju.
Vierahodna, značnaja častka ŭdzielnikaŭ sapraŭdy pryjšli z dobrymi namierami, ale najaŭnaść choć by niekalkich pravakataraŭ siarod vas, na žal, zdolnaja spravakavać siłavy adkaz pradstaŭnikoŭ orhanaŭ pravaparadku.
U arhanizataraŭ (u hety raz) kalarovy i kryvažerny malunačak nie atrymaŭsia. I, na ščaście dla nas, nichto z našych kalehaŭ nie paciarpieŭ!