Rabočyja MZKC: Padčas pryjezdu Łukašenki na zavod jaho supravadžali sotni achoŭnikaŭ
Supracoŭnik MZKC raspavioŭ RBK, što na sustrečy z Łukašenkam prysutničali 600-700 rabotnikaŭ zavoda. «Kazaŭ, što vakoł vorahi, a jon nas ratuje, pałochaŭ 1990-mi, ad pramych adkazaŭ uvilvaje. I tak 20 razoŭ pa kole», — patłumačyŭ jon.
Pavodle jaho słoŭ, prezident vystupaŭ kala cecha z pryčepa. «Navat u narod vyjšaŭ, u natoŭp», - adznačyŭ rabočy. Jon udakładniŭ, što na zavodzie było kala 250 achoŭnikaŭ prezidenta, a za terytoryjaj znachodzilisia i inšyja.
Inšy rabočy raspavioŭ, što Łukašenka amal adrazu sustreli krykami. «Doŭha stajali, čakali jaho na śpiakocie. Potym jon skazaŭ niekalki słoŭ — pačali kryčać «sychodź!»,- paviedamiŭ supracoŭnik MZKC.