U Minsku zatrymali siabra inicyjatyŭnaj hrupy Babaryki Siarhieja Michiejonka
12 žniŭnia ŭ Minsku byŭ zatrymany 48-hadovy Siarhiej Michiejonak, dyrektar pryvatnaha pradpryjemstva «BondaStyl». Siarhiej byŭ siabram inicyjatyŭnaj hrupy Viktara Babaryki, na ŭłasnym aŭtamabili źbiraŭ podpisy ŭ jaho padtrymku, taksama byŭ zarehistravany ŭ jakaści naziralnika na vybarach. Kaardynataram štaba Babaryki jon nie byŭ.
Zatrymlivali Siarhieja ludzi ŭ bałakłavach, vyłamali dźviery, zatrymanaha mocna źbivali. Potym pradstaŭniki KDB praviali vobšuk u kvatery: zabrali noŭtbuki, kampjutar, usie mabilniki, asabistyja hrošy žonki. Viadoma, što spačatku Siarhiej byŭ u SIZA KDB, u piatnicu pieravieźli na Akreścina. Ciapier jon u SIZA na Vaładarskaha. Usio heta ŭ ramkach kryminalnaj spravy pa artykule KK 293 (Masavyja biesparadki).
U kamiery, dzie jon siadzić, bolš za 20 čałaviek. Sam Siarhiej siadzić, chutčej za ŭsio, hoły, bo pry zatrymańni na im byli šorty, a na Vaładarskaha šorty zabaronienyja.