Ukraina ŭpieršyniu ŭ historyi adklikała svajho pasła ź Minska
Ukraina ŭpieršyniu ŭ historyi dyplamatyčnych stasunkaŭ ź Biełaruśsiu adklikała svajho ambasadara ź Miensku, piša Radyjo Svaboda.
Ministar zamiežnych spraŭ Ukrainy Dźmitro Kuleba zajaŭlaje, što Alaksandar Łukašenka padarvaŭ davier miž Biełaruśsiu i Ŭkrainaj, pieradaŭšy Rasiei zatrymanych «vahneracaŭ», čym nanios «surjozny ŭdar pa dvuchbakovych dačynieńniach».
«Paśla hetaha Alaksandar Łukašenka nieadnarazova i całkam biespadstaŭna abvinavačvaŭ Ukrainu ŭ niedružalubnych krokach suprać Biełarusi. Jakasna novyja pahrozy jak asabistaj biaśpiecy hramadzian, tak i rehijanalnaj biaśpiecy ŭ cełym vynikajuć z aficyjnych paviedamleńniaŭ ab mahčymym aktyŭnym udziele Rasiei i ADKB u vyrašeńni sytuacyi ŭ Biełarusi», — zajaviŭ Dźmitro Kuleba.
Pavodle jaho, spałučeńnie hetych faktaŭ i dziejańniaŭ, a taksama raźvićcio padziejaŭ u Biełarusi, hramadztva jakoj vykazała votum niedavieru aficyjnym vynikam prezydenckich vybaraŭ, rezka źmianiaje sytuacyju va ŭkrainska-biełaruskich dačynieńniach:
«Uličvajučy heta, ja vyrašyŭ vyklikać ambasadara Ŭkrainy ŭ Biełarusi Ihara Kizima dla kansultacyjaŭ u Kijeŭ z metaj acenki perspektyvaŭ ukrainska-biełaruskich dačynieńniaŭ u novaj rečaisnaści, raspracavać adpaviednyja rašeńni z ulikam cełaha kompleksu faktaraŭ. My ŭpieršyniu ŭ historyi robim taki krok u adnosinach ź Biełaruśsiu i robim heta vyklučna praź niedapuščalnyja dziejańni Mienska».