«Ź mierkavańniaŭ sumleńnia». Rapart pra zvalnieńnie padaŭ prakurorski rabotnik, jaki sprabavaŭ zavieści spravu pa fakcie źvierskaha źbićcia
Rapart pra zvalnieńnie padaŭ prakurorski rabotnik Jaŭhien Babak, jaki sprabavaŭ zavieści spravu pa fakcie źbićcia matacyklistaŭ ludźmi ŭ daišnaj formie va Uruččy. «Ź mierkavańniaŭ sumleńnia» — ścisła patłumačyŭ jon u siabie ŭ instahramie.
«Rašeńnie syści z prakuratury śpieła daŭno. Ale katalizataram rašeńnia stali padziei 9—12 žniŭnia».
Kadry źvierskaha źbićcia matacyklistaŭ, jakija lažać na ziamli, abyšli internet. Heta było kala raźviazki va Uruččy, u toj dzień aŭtamabilisty i matacyklisty masava sihnalili ŭ znak pratestu suprać abstrełu mirnych demanstrantaŭ i falsifikacyi vybaraŭ.
Miarkujučy pa tym, jak nanosilisia ŭdary, u internecie vykazvałasia mierkavańnie, što heta byli pieraapranutyja ŭ formu daišnikaŭ bajcy niejkaha inšaha padraździaleńnia.