Mahiloŭskija enierhietyki patrabujuć sumlennych vybaraŭ
Kala 160 supracoŭnikaŭ filijała «Mahiloŭskija ciepłavyja sietki» RUP «Mahiloŭenierha» padpisali zvarot u harvykankam.
U svaim zvarocie enierhietyki asudžajuć parušeńnie pravoŭ hramadzian, jakija nie pryznajuć vyniki vybaraŭ, a taksama nastojvajuć na praviadzieńni sumlennych vybaraŭ.
Pry ŭsim abureńni enierhietyki padkreślivajuć, što spyniać svaju pracu jany nie źbirajucca, bo ad hetaha pacierpiać inšyja ludzi.
Rabotniki pradpryjemstva ŭ svaim zvarocie vykłali nastupnyja patrabavańni:
- Dostup da dakładnaj infarmacyi ad ŚMI;
- Pakarańnie siłavikoŭ, jakija vinavatyja ŭ pieravyšeńni słužbovych paŭnamoctvaŭ;
- Vyzvaleńnie mirnych pratestoŭcaŭ;
- Pryznańnie hałasavańnia niesapraŭdnym, a taksama praviadzieńnie novych sumlennych vybaraŭ.
Taksama ŭ svaim zvarocie enierhietyki prosiać nie zvalniać rabotnikaŭ, jakija ŭdzielničali ŭ akcyjach pratestu, a sam dakumient nakiravać u Śledčy kamitet, Hienprakuraturu, Kanstytucyjny sud. Aŭtary zvarotu padkreślivajuć, što jon — asabistaja pazicyja rabotnikaŭ, a nie pazicyja pradpryjemstva.