Enierhietyki Hrodna źviarnulisia z pietycyjaj da ŭładaŭ
Kalektyŭ «Hrodnaenerha» źviarnuŭsia da kiraŭnictva svajho pradpryjemstva, horadu i vobłaści z petycyjaj, pad jakoj padpisalisia 668 čałaviek, piša Radyjo Svaboda.
U zvarocie enerhietyki paviedamili, što zakłapočanyja sytuacyjaj u Biełarusi paśla vybaraŭ 9 žniŭnia i nie pryznajuć vyniki vybaraŭ. Jany patłumačyli, što nia mohuć dałučycca da ahulnanacyjanalnaha strajku, bo ad ichnych rašeńniaŭ zaležyć funkcyjanavańnie systemaŭ žyćciezabieśpiačeńnia hramadzianaŭ i pracy ŭsich halinaŭ haspadarki, ale vykazali salidarnaść z udzielnikami mirnych pratestaŭ.
Enerhietyki vykłali šerah patrabavańniaŭ da ŭładaŭ:
- pravieści novyja sumlennyja vybary prezydenta,
- spynić hvałt i niezakonnyja zatrymańni ŭ dačynieńni da mirnych hramadzianaŭ,
- vyzvalić usich niezakonna zatrymanych i palitviaźniaŭ,
- pakarać tych, chto zatrymlivaŭ i biŭ źniavolenych.
Usiaho na pradpryjemstvie «Hrodnaenerha» pracuje kala 1000 čałaviek.