Adrodzim biełaruskaje školnictva ŭ horadzie Mahilovie
zvarot da hramadskaści h. Mahilova
zvarot da hramadskaści h. Mahilova.
Pavažanyja siabry!
Hety hod abvieščany biełaruskimi ŭładami Hodam rodnaj ziamli. Ale chiba moža isnavać rodnaja biełaruskaja ziamla biez rodnaj biełaruskaj movy?
Napiaredadni 2009 – 2010 navučalnaha hoda prychilniki biełaruskaha słova ŭ Mahilovie sprabujuć adkryć u horadzie niekalki biełaruskamoŭnych kłasaŭ. My horača padtrymlivajem hetu inicyjatyvu i źviartajemsia da baćkoŭ mahiloŭskich dziaciej, asabliva pieršakłaśnikaŭ.
Siabry! Padtrymajem namahańni hetych ludziej! Da pačatku červienia napišycie zajavy kiraŭnictvu mahiloŭskich škoł z prapanovaj navučać Vašych dzietak na dziaržaŭnaj biełaruskaj movie.
My chočam nahadać Vam, što mienavita Mahiloŭ u ChVII – ChVIII stst. byŭ adnym z hałoŭnych centraŭ biełaruščyny ŭ Vialikim Kniastvie Litoŭskim. Navat paśla taho, jak u 1696 h. movaj spravavodstva i navučańnia stała polskaja, mahistrat Mahilova niekalki hadoŭ vioŭ spravy pa-biełarusku.
Dyk budziem vartyja svaich prodkaŭ! Žyvie biełaruskaja mova i žyvie Biełaruś!