Ludzi ŭ bałakłavach suprać žančyn. Amal 400 zatrymanych na Maršy ŭ Minsku VIDEA, FOTA
Siońniašni marš byŭ zajaŭleny jak «bliskučy» — žančyn zaklikali prychodzić na jaho ŭ jaskravaj vopratcy, ź jaskravymi transparantami, upryhožyŭšy siabie bliskavinkami.
Zbor adbyvaŭsia a 15-j na Kamaroŭcy.
Prykładna 2000 demanstrantak prajšli vulicami Charužaj, Bahdanoviča, Surhanava.
Kala HC «Ajśbierh» da kałony padjechali aŭtazaki ź siłavikami. Jany adciaśnili žančyn da budynka i zatrymali amal 400 udzielnic maršu. Trapiła ŭ aŭtazak navat 73-hadovaja Nina Bahinskaja.
Takim čynam, ahulnaja kolkaść zatrymanych paśla vybaraŭ 9 žniŭnia pieravysiła 10 500 čałaviek.
A ad pačatku prezidenckaj kampanii — kala 11 800 čałaviek.
Žančyny, jakija zastalisia na voli, stali ŭ łancuh salidarnaści ŭzdoŭž vulicy Surhanava.