Žurnalista «Trybuny» Maksima Nieściarkova asudzili na 15 sutak
Viadučy anłajnaŭ matčaŭ i pazaštatny aŭtar Tribuna.som Maksim Nieściarkoŭ asudžany na 15 sutak.
Žurnalist byŭ zatrymany na Žanočym maršy ŭ Minsku ŭ subotu 19 vieraśnia.
U pratakole było paznačana, što Maksim Nieściarkoŭ 19 vieraśnia kala 16:40 pa adrasie Jakuba Kołasa, 37, pryniaŭ aktyŭny ŭdzieł u mitynhu biez dazvołu Minharvykankama, vykrykvajučy «Žyvie Biełaruś», a paśla admoviŭsia vykanać zakonnaje patrabavańnie supracoŭnika Savieckaha RUUS prajści ŭ słužbovy aŭtamabil. Nieściarkoŭ pryznaŭ vinu. Sudu była pieradadzienaja stanoŭčaja charaktarystyka ź miesca vučoby za podpisam dekana fakulteta žurnalistyki BDU.