Dom u Minsku, dzie viešali biełyja i čyrvonyja stužki, aštrafavali na 6000 rubloŭ. Farmalna — nie za simvoliku
Damy, čyje žychary vyviešvajuć bieł-čyrvona-biełyja ściahi i stužki, praciahvajuć štrafavać na vializnyja sumy. Pryčym nieabaviazkova za «parušeńnie architekturnaha rašeńnia».
Tak, adnamu z damoŭ žyllovaha kompleksa «Arkadyja» (na vuł. Turhienieva, 7) vypisali štraf na 6100 rubloŭ — 200 bazavavych vieličyń tavarystvu i 700 rubloŭ niepasredna staršyni. Pratakoł skłali za rečy ŭ ahulnych kalidorach — viełasipiedy, kalaski, budaŭničaje śmiećcie.
Panarama yandex.by
Paśla taho jak tavarystva prybrała zaŭvahi, jano abskardziła pratakoł. Vynikovaha rašeńnia pa štrafach pakul niama.
Dahetul biełyja i čyrvonyja stužki, jakija vyviešvali žychary, pastajanna zrazali. A paśla ŭ niejki dzień z pravierkaj zazirnuli pažarnyja, što byli na pryjomcy ŭ susiednim novym domie.