Prezident Kyrhyzstana raskazaŭ, pry jakich umovach sydzie z pasady
Saaranbaj Žeenbiekaŭ vykazaŭ hatoŭnaść syści z pasady adrazu paśla zaćviardžeńnia lehitymnych kiraŭnikoŭ, a taksama paśla viartańnia krainy na šlach zakonnaści, havorycca ŭ zajavie, apublikavanaj na sajcie prezidenta Kyrhyzstana, piša TASS.
Jon padkreśliŭ nieabchodnaść viarnuć situacyju ŭ pravavoje rečyšča jak maha chutčej. «Paśla taho, jak buduć zaćvierdžanyja lehitymnyja kiraŭniki orhanaŭ vykanaŭčaj ułady i kraina ŭstanie na šlach zakonnaści, hatovy syści z pasady prezidenta Kyrhyzskaj Respubliki», — zajaviŭ jon.
«Palityčnaja situacyja ŭ krainie dasiahnuła krytyčnaj kropki. Dla ŭrehulavańnia situacyi my pavinny zrabić nastupnyja kroki. Anulavanyja vyniki vybaraŭ u Žahorku Kienieš (parłamient). Zaraz pavinny być pryznačanyja novyja parłamienckija vybary. Rašeńnie z hetaj nahody prymie CVK. Hetyja miery źniziać ciapierašniuju palityčnuju napružanaść», — havorycca ŭ zajavie.
«Razam z tym nieabchodna adpravić u adstaŭku premjer-ministra i členaŭ urada, jakija pracavali da kryzisu, što stvoryć zakonnyja padstavy dla novych pryznačeńniaŭ. Kab lehitymizavać pryznačeńnie novaha premjer-ministra i členaŭ urada nieabchodnyja pastanovu Žahorku Kienieša i ŭkaz prezidenta. Ja hatovy padpisać adpaviednyja ŭkazy, čakaju pastanoŭ Žahorku Kienieša», — padkreśliŭ prezident.