U 2021-m pačnuć kapramont samaha doŭhaha mosta Minska. Jon złučaje Aeradromnuju i praśpiekt Žukava
Dyrektar «Hardarbuda» Alaksandr Jarošyk raskryŭ Minsk-navinam padrabiaznaści.
Hety puciepravod — samy doŭhi ŭ Minsku. Jon byŭ pabudavany ŭ 1980-ja hady.
— Ciapier idzie raspracoŭka dakumientacyi, zaviaršyć prajektavańnie płanujecca ŭ krasaviku, — paviedamiŭ A. Jarošyk.
— Ramont buduć vykonvać biez zakryćcia ruchu spačatku pa adnoj, zatym pa inšaj pałovie puciepravoda.
Raboty čakajuć niaprostyja, uličvajučy daŭžyniu zbudavańnia — bolš za 130 m, a taksama toje, što pad im prachodzić čyhunka — asnoŭnaja mahistral na Brest i šmat halinak na tavarnuju stancyju.
Raźlikovyja terminy abnaŭleńnia — pa 20 miesiacaŭ na kožnuju pałovu. Razam z prajekciroŭščykami pracujem nad tym, kab maksimalna skaracić čas rabot — da 12 i mienš miesiacaŭ.
«Vonkava puciepravod zastaniecca raniejšym, patrebnaja budzie častkovaja zamiena belek, taksama ich zamanaliciać uzdoŭž usiaho zbudavańnia, heta značyć zrobiać adzinuju, nierazraznuju kanstrukcyju. Mahčyma, spatrebicca ŭmacavańnie apor. Zbudavańnie treba budzie ŭzmacnić u raźliku na sučasnuju nahruzku», — skazaŭ Jarošyk.