Nieviadomy vydaŭ siabie za Cichanoŭskuju na pasiadžeńni parłamienta Danii
Nieviadomy, jaki vydaŭ siabie za byłoha kandydata ŭ prezidenty Biełarusi Śviatłanu Cichanoŭskuju, paŭdzielničaŭ u anłajn-pasiadžeńni Kamiteta pa źniešniaj palitycy parłamienta Danii, piša RBK sa spasyłkaj na zakanadaŭčy orhan krainy.
U pačatku pasiadžeńnia, jakoje adbyłosia 6 kastryčnika, u «Cichanoŭskaj» nibyta uźnikli prablemy z veb-kamieraj, z-za čaho na ekranie jaje nie było vidać. Sustreču, jakaja doŭžyłasia kala 40 chvilin, vyrašyli pierapynić paśla taho, jak jaje ŭdzielniki «zrazumieli, što niešta nie tak».
«Na sustrečy abmiarkoŭvałasia ciapierašniaja palityčnaja situacyja ŭ Biełarusi. Razhladalisia formy padtrymki biełaruskaha naroda ŭ baraćbie za demakratyju i pravy čałavieka», — havorycca ŭ paviedamleńni.
U parłamiencie asabliva adznačyli, što padčas pasiadžeńnia «nie było skazana ničoha, što mahło b skampramietavać źniešniepalityčnuju liniju Danii». U im dadali, što toje, što zdaryłasia, budzie rasśledavana.