Hałoŭred «Mocnych navin» atrymała čarhovy štraf. Jana aśviatlała akcyju, jakaja nie adbyłasia
Hanna Jakštas.
Hałoŭred «Mocnych navin» Hanna Jakštas atrymała čarhovy štraf pa artykule 23.34 č.1. Na dumku suda Savieckaha rajona, žurnalistka ŭdzielničała ŭ akcyi 23 vieraśnia.
Nahadajem, u toj dzień adbyłasia «tajemnaja» inaŭhuracyja Łukašenki.
«Ja patrapiła na videa, kali aśviatlała šeście kala «Univiermaha». Tam prachodziła kałona z 60-70 čałaviek, ludzi nie skandavali, płakataŭ nie nieśli. Usie padoŭžyłasia 10-15 chvilin, paśla čaho źjaviŭsia AMAP i ŭsich razahnaŭ», — raspaviała žurnalistka.
Na dumku suda, Jakštas «vydavała siabie za akredytavanaha žurnalista». Hanna vinu nie pryznała.
U hałoŭnaha redaktara «Mocnych navin» heta ŭžo druhoje zatrymańnie i druhi štraf. Jak i pieršy raz da sudu jaje 72 hadziny trymali ŭ izalatary. Za kratami ŭ dadzieny momant znachodzicca muž Hanny reparcior Dzianis Jakštas.