Minpracy prapanoŭvaje ŭvieści dla šmatdzietnych mam siamihadzinny pracoŭny dzień z zachavańniem zarobku
Skrynšot STB
Pra heta paviedamiła ministr pracy i sacyjalnaj abarony Iryna Kaścievič u intervju prahramie «Tydzień» na telekanale STB, piša BiełTA.
«My ŭvažliva pahladzieli na mahčymaści Pracoŭnaha kodeksa i siońnia prapanavali šmatdzietnym mamam pierajści na hnutki hrafik, skaročany z vaśmi da siami hadzin pracoŭny dzień. Pry hetym u poŭnym abjomie zarobak, jak za vaśmihadzinny pracoŭny dzień. Nas padtrymali, u 2021 hodzie my budziem uvachodzić čarhovy raz z peŭnymi karekciroŭkami ŭ Pracoŭny kodeks, tamu budziem prapanoŭvać deputatam, kab jany nas taksama padtrymali», — raspaviała Iryna Kaścievič.