Adkryłasia transpartnaja raźviazka na skryžavańni Arłoŭskaj i praśpiekta Pieramožcaŭ
Transpartnaja raźviazka na skryžavańni Arłoŭskaj vulicy z praśpiektam Pieramožcaŭ adkryłasia paśla rekanstrukcyi, jakaja doŭžyłasia try z pałovaj miesiacy z 6 lipienia, paviedamlaje «Interfaks».
Raboty pa dobraŭparadkavańni na raźviazcy zavieršany całkam. Razam z tym, pa stanie na ranicu 19 kastryčnika praciahvajucca darožnyja pracy na niekalkich učastkach, ab čym kiroŭcaŭ papiaredžvajuć adpaviednyja znaki.
Akramia aŭtaŭładalnikaŭ adkryćcio paśla rekanstrukcyi raźviazki paŭpłyvała na maršruty hramadskaha transpartu. Takim čynam, jak paviedamili ŭ Minsktransie, rabota tralejbusnych maršrutaŭ №39, 77 z 19 kastryčnika arhanizoŭvajecca zhodna z pastajannaj schiemaj ruchu ad praśpiekta Puškina pa vuł. Cimirazieva, vuł. Sapioraŭ, pr. Pieramožcaŭ, vuł. Arłoŭskaj, u raskład ruchu ŭnosiacca źmieny.
Taksama ŭnosiacca źmianieńni ŭ raskład ruchu aŭtobusnych maršrutaŭ №1, 11, 29, 44, 69, 76e, 89e, 91, 119s, 133, 136, časovaha maršrutu №t10.