Łukašenka: Biełaruś raźličvaje na vynikovaje ŭzajemadziejańnie ź ES
Alaksandr Łukašenka pavinšavaŭ fiederalnaha prezidenta Aŭstryi Alaksandra Van der Bielena z nacyjanalnym śviatam, paviedamlaje pres-słužba.
«Biełaruś zacikaŭlena ŭ dalejšym pašyreńni dvuchbakovych suviaziaŭ i raźličvaje na bolš vynikovaje ŭzajemadziejańnie ŭ metach padtrymańnia dyjałohu ź Jeŭrapiejskim sajuzam», — havorycca ŭ vinšavańni.
Łukašenka kanstatavaŭ, što kanstruktyŭny i ščyry charaktar pieramoŭ, jakija adbylisia ŭ čas aficyjnaha vizitu na vyšejšym uzroŭni ŭ Vienu, čarhovy raz paćvierdziŭ najaŭnaść vialikaha patencyjału dla ŭzajemavyhadnaha supracoŭnictva dźviuch dziaržaŭ. «My zaŭsiody vielmi adkazna padychodzili da vykanańnia dasiahnutych damoŭlenaściaŭ. Śviedčańniem hetaha źjaŭlajecca ustalavany miemaryjał u Traściancy, roznyja inviestycyjnyja prajekty, šmathadovyja humanitarnyja suviazi i kantakty pamiž biełarusami i aŭstryjcami», — adznačyŭ jon.
«U siońniašnich niaprostych umovach my nie pavinny dapuścić, kab usio dasiahnutaje było stračana», — padkreśliŭ Łukašenka.