Dajšli da ručki
Viadučyja «Našieho utra» na ANT Łuščyk dy Kaščejeŭ zaprasili ŭ hości pasła Šviecyi. Jon havaryŭ ź imi pa-biełarusku, a jany ź im razmaŭlali pa-rasiejsku (!).
Viadučyja «Našieho utra» na ANT Łuščyk dy Kaščejeŭ zaprasili ŭ hości pasła Šviecyi. Jon havaryŭ ź imi pa-biełarusku, a jany ź im razmaŭlali pa-rasiejsku (!).
Jak patłumačyć, što biełarusy z vyšejšaj humanitarnaj adukacyjaj nie ŭmiejuć havaryć na nacyjanalnaj movie?
Pa-pieršaje, mova całkam vycieśniena z publičnaj prastory. Nidzie nie čujučy movy ŭ svaim žyćci, ludzi nie mohuć jaje padtrymlivać. Niama ŭ svabodnym dostupie radyjo i TV z paśladoŭna biełaruskamoŭnym kantentam, rekłamy i vizualnaha afarmleńnia pa-biełarusku.
Pa-druhoje, pry vykładańni movy zašmat uvahi nadajecca tearetyčnym aśpiektam, tady jak para stavić akcent na navučańnie banalna razmaŭlać. Sami moŭnyja pradmiety marhinalizavanyja. A spynieńnie finansavańnia na pierakład multfilmaŭ i inšaje dziciačaje pradukcyi na bieł. robić niemahčymym zasvajeńnie movy ŭ małyja hady.
Pa-treciaje, palityčnaja i kulturnaja styhmatyzacyja nośbitaŭ biełaruskaj movy łukašenkaŭskim režymam pryvodzić da ŭźniknieńnia psichałahičnaha barjeru, błakiroŭki «niemetazhodnaje» i «niebiaśpiečnaje» movy «śviadomych», jak amal naštodzień hańbavali biełaruskamoŭnych Łukašenka i kampanija.
Biespryncypnaść, demaralizacyja darablajuć svajo. U kožnaj jeŭrapiejskaj krainie čałaviek, a tym bolš čałaviek z vyšejšaj adukacyjaj stydaŭsia b nie ŭmieć pravilna razmaŭlać na litaraturnaj nacyjanalnaj movie. Heta ŭsprymałasia b jak duchoŭnaja psota i intelektualnaja biednaść. Nie toje ŭ siońniašniaj Biełarusi. Lusi Łuščyk i biez movy dobra žyviecca, jana i biez movy ciešycca popytam.
Moža być, havorka pasła Eryksana zrušyć štości ŭ jaje mazhach ci, spačatku, sercy?