24 pytańni: Łukašenka biare ŭdzieł u samicie JEAES
Alaksandr Łukašenka biare ŭdzieł u pasiadžeńni Vyšejšaha Jeŭrazijskaha ekanamičnaha savieta. Samit prachodzić u anłajn-farmacie, paviedamlaje BiełTA.
Pavodle słoŭ Łukašenki, «pandemija, jak łakmus, raskryła sutnaść ekanamičnych sajuzaŭ i intehracyjnych abjadnańniaŭ. Jana na praktycy pierakanała navat samych zaŭziatych skieptykaŭ, što tolki razam my zmožam być macniej. Adnačasova karanavirus taksama pakazaŭ sapraŭdnuju canu nievykanańnia raniej dasiahnutych damoŭlenaściaŭ».
Hałoŭny dakumient, jaki vyniesieny na pasiadžeńnie, — Stratehičnyja napramki raźvićcia jeŭrazijskaj ekanamičnaj intehracyi da 2025 hoda.
Puł pieršaha dadaje, što na paradku dnia 24 pytańni, u tym liku čatyry, što płanujuć abmierkavać vuzkim kołam:
— ab stratehičnych napramkach raźvićcia da 2025 hoda,
— ab śpiecyjalnych achoŭnych antydempinhavych i kampiensacyjnych mierach,
— ab padaŭžeńni taryfnaj lhoty (unosić Kazachstan), tyčycca avijatemy,
— ab prajekcie pratakoła, źviazanaha z kadravym składam JEEK.