Jeŭrakamisija vydzieliła Biełarusi €24 młn na baraćbu z karanavirusam
Jeŭrakamisija abviaściła ab vydzialeńni Biełarusi €24 młn u ramkach uchvalenaj u žniŭni prahramy baraćby z karanavirusam na €53 młn, padkreśliŭšy, što ŭsie hetyja hrošy «pojduć naŭprost narodu krainy». Pra heta havorycca ŭ apublikavanaj u piatnicu zajavie JEK.
«Vielizarnaja advaha biełaruskaha naroda, jaki mirna padniaŭsia na abaronu demakratyi i pravoŭ čałavieka natchniaje nas usich. Hetym novym pakietam dapamohi ES ćviorda abjaŭlaje, što jon staić na baku naroda Biełarusi», - havorycca ŭ kamientary jeŭrakamisara pa pašyreńni Oliviera Varhielija, uklučanaha ŭ dakumient.
Varhielij taksama padkreśliŭ, što ES praciahvaje «padtrymlivać mirnuju demakratyčnuju pieradaču ŭłady ŭ hetaj krainie».