Žančynu, jakaja vykinuła niemaŭla ŭ śmiećcievy kantejnier u Viciebsku, znajšli
Fota SK
Niežyvoje cieła novanarodžanaha 9 śniežnia znajšli ŭ kantejniery dla śmiećcia ŭ Viciebsku. Miarkujecca, što apieratyŭniki znajšli hetu žančynu, paviedamlaje pres-słužba MUS.
Apieratyŭniki kryminalnaha vyšuku UUS i Pieršamajskaha RAUS abłasnoha centra pačali pošuki maci dziciaci adrazu paśla trahiedyi.
Praź niekalki hadzin aktyŭnaj pracy była vyznačana kvatera, dzie moh adbycca incydent. Vyśvietliłasia, što žyllo niekalki miesiacaŭ zdymała 30-hadovaja žycharka Mahilova, jakaja niadaŭna viarnułasia dadomu. Papiarednie ŭstanoŭlena, što žančyna pazbaviłasia ad cieła dziciaci adrazu paśla rodaŭ doma», — adznačyli ŭ milicyi.