Daradca Cichanoŭskaj: Jana spakojnaja, ale moža i harknuć
— Hetaj žančynaj kiravać niemahčyma, — raskazaŭ u intervju kyky.org daradca Śviatłany Cichanoŭskaj pa mižnarodnych pytańniach Franak Viačorka:
— Dastatkova ŭbačyć, jak jana razdaje zadańni, žorstka redahuje teksty. Moža i nakryčać. Tak, jaje fienomien mnohim niezrazumieły. Čałaviek ź niadkul za šeść miesiacaŭ uvajšoŭ va ŭsie suśvietnyja topy i rejtynhi samych upłyvovych ludziej śvietu. Heta mnohich ździŭlaje, tamu vybudoŭvajecca kanśpirałohija. I jaje prykład čarhovy raz paćviardžaje, što palityk — heta nie tolki prahrama i viedy, ale i traplańnie ŭ chvalu čakańniaŭ. Kali raniej mnohim zdavałasia, što biełarusam patrebnaja mocnaja ruka i Łukašenki, to siońnia ludzi stali pieraasensoŭvać realnaść. Biełarusi patrebna samaarhanizacyja, samakiravańnie, prezident tolki z pradstaŭnickimi paŭnamoctvami i raznapłanavy parłamient.
— Vy skazali, što Cichanoŭskaja ŭmieje kryčać. Nie mahu ŭ heta pavieryć — jana zaŭsiody tak raźmierana i spakojna pramaŭlaje.
— Jana spakojna i raźmierana pramaŭlaje, ale kali z čymści nie zhodna ci joj niešta nie padabajecca, moža i harknuć.
— Prosta harknuć? Kali takoje było apošni raz?
— Tak kožny dzień (śmiajecca). Tamu ŭpeŭnieny, što ŭ luboj prafiesii jana mahła b zaniać kirujučuju pasadu. Śviatłana vydatna adčuvaje ludziej i ŭmieje tłumačyć svaju pazicyju. I kali ŭ čymści nie ŭpeŭnienaja — nie budzie hetaha kazać ci rabić.