Pravasłaŭnyja ŭ Biełarusi śviatkujuć Rastvo
Aproč Ruskaj pravasłaŭnaj carkvy, kudy ŭvachodzić BPC, Rastvo 7 studzienia adznačajuć taksama Sierbskaja, Ijerusalimskaja, Hruzinskaja i Polskaja pravasłaŭnyja cerkvy.
Astatnija pamiesnyja pravasłaŭnyja cerkvy (Eładskaja (Hrečaskaja), Rumynskaja, Bałharskaja, Kanstancinopalskaja, Kiprskaja, Aleksandryjskaja, Amierykanskaja pravasłaŭnaja carkva) śviatkujuć Rastvo — jak i kataliki i pratestanty, — z 24 na 25 śniežnia. Jany karystajucca novajulijanskim kalendarom, jaki supadaje z hryharyjanskim.
Sioleta ŭpieršyniu z kaladnym pasłańniem da biełarusaŭ źviarnuŭsia novy kiraŭnik BPC mitrapalit Minski i Zasłaŭski Vienijamin.
U im jon adznačyŭ, što čałaviectva ŭ minułym hodzie prajšło nialohki šlach: «Pandemija raniej nieviadomaj chvaroby i źviazanyja ź joj abmiežavańni i pahrozy; napružanaść u šerahu krain i rehijonaŭ śvietu; strata adnadumstva i adzinstva znosin siarod Pamiesnych Pravasłaŭnych Cerkvaŭ, narešcie, padzieł na palityčnaj hlebie ŭ našym hramadstvie — usio heta pazbaŭlaje ludziej užo zvykłych i zvyčajnych dla nas pačućciaŭ biaśpieki, stabilnaści i spakoju».