Tramp paabiacaŭ pieradać paŭnamoctvy Bajdenu, ale admoviŭsia pryznać vyniki vybaraŭ
Dziejny prezident ZŠA Donald Tramp zajaviŭ, što va ŭstanoŭleny termin pieradaść paŭnamoctvy Džo Bajdenu, jakoha Kanhres aficyjna pryznaŭ pieramožcam vybaraŭ.
«Niahledziačy na toje, što ja całkam nie zhodny z vynikami vybaraŭ, i fakty paćviardžajuć heta, tym nie mienš 20 studzienia adbudziecca sparadkavany pierachod [prezidenckich paŭnamoctvaŭ]», — cytuje CNN zajave Trampa.
«Choć heta i kaniec najvialikšaha pieršaha terminu ŭ prezidenckaj historyi, heta tolki pačatak našaj baraćby za toje, kab znoŭ zrabić Amieryku vialikaj», — dadaŭ Tramp.