«Naftan» zavajavaŭ Kubak Biełarusi + fota
Kubak Biełarusi pa futbole ŭpieršyniu pajechaŭ u Navapołack.
Zdymki Siarhieja Hudzilina
Kubak Biełarusi pa futbole pajechaŭ sioleta ŭ Navapołack. U finalnym matčy za trafiej «Naftan» u dadatkovy čas złamaŭ supraciŭ salihorskaha «Šachciora» — 2:1.
Lik u pieršym tajmie pryhožym udaram adkryŭ viadomy bambardzir Valery Strypiejkis. U druhim tajmie salihorcy pajšli napierad, i za dźvie chviliny da kanca matču Siarhiej Kavalčuk udaram z‑za miežaŭ štrafnoj lik zraŭniaŭ.
Zdavałasia, što ciapier psichałahičnaja pieravaha budzie na baku «harniakoŭ». Dzie tam u pieršym dadatkovym tajmie abaronca zbornaj Dźmitry Vierchaŭcoŭ prynios «Naftanu» pieramohu.
Navapałačanie ščyra padziakavali za padtrymku svaich fanataŭ, jakich pryjechała ŭ Minsk blizu dziesiaci aŭtobusaŭ. Uručeńnie Kubku nahadała mini Lihu čempijonaŭ. «Naftan» upieršyniu ŭ historyju staŭ uładalnikam Kubku Biełarusi.
Aproč trafieju, navapołacki kłub zavajavaŭ pucioŭku ŭ Lihu Jeŭropy.