General Motors abviaščaje bankructva
Heta samaje bujnoje bankructva za ŭsiu historyju ekanomiki ZŠA.
Heta samaje bujnoje bankructva za ŭsiu historyju ekanomiki ZŠA.
Pracedura dazvolić kampanii abaranicca ad pretenzij kredytoraŭ. Pa amierykanskim aŭtahihancie mocna ŭdaryła finansavaja kryza. Čysty ŭbytak kampanii za 2008 hod skłaŭ 30,9 miljarda dalaraŭ.
U takich varunkach kiraŭnictva General Motors pajšło na prodaž praktyčna ŭsich svaich zamiežnych aktyvaŭ. Naprykancy 2008 hoda byli pradadzieny doli amierykanskaj kampanii ŭ japonskim aŭtapromie. Niekalki dzion tamu abvieščana pra prodaž kampanii Opel. Taki ž los, mahčyma, čakaje i šviedski Saab.
U ahule ŭ vyniku rearhanizacyi kampanii pracu zhubiać štonajmieniej 20 000 rabotnikaŭ.
Aficyjna pra bankructva kampanii siońnia abvieścić prezident ZŠA Barak Abama. Adrazu paśla hetaha adbudziecca pres-kanfierencyja kiraŭnictva General Motors z padrabiaznaściami płanu restrukturyzacyi firmy.
Pavodle papiaredniaj infarmacyi, urad ZŠA vydzielić dapamohu ŭ pamiery 30 miljardaŭ dalaraŭ dla paratunku aŭtahihanta. Dziaržava za hetaje atrymaje 60% akcyj kampanii. Restrukturyzacyja General Motors praciahniecca ad 60 da 90 dzion. Paśla pracesu «dziaržaŭny aŭtavyrabnik» pa svaich pamierach budzie mała padobnych na ciapierašniaha hihanta aŭtapramu. Čakajecca, što buduć začynienyja ci pradadzienyja praktyčna ŭsie «nieprofilnyja aktyvy», a taksama začyniena da pałovy vytvorčych mahutnaściaŭ.
Varta zaznačyć, što prynamsi 54% akcyjanieraŭ General Motors ŭžo vykazali svaju zhodu z płanam u nadziei zachavać prynamsi 10% ad svaich srodkaŭ, układzienych u akcyi kampanii.