Praz Sož na ciepłachodzie
Homielski račny port upieršyniu pačaŭ pieravozki pasažyraŭ na centralny haradski plaž.
Heta źviazana z zakryćciom na kapitalny ramont piešachodnaha mosta cieraz raku Sož, jaki viadzie na plaž z centralnaha parka. Sudna pačynaje kursiravać u 8.30, apošni rejs ažyćciaŭlajecca ŭ 17.30. Prahułačny ciepłachod chodzić ź intervałam u adnu hadzinu, košt bileta ŭ adzin bok — 1 tysiača rubloŭ.
Piešachodny most cieraz raku Sož pabudavany ŭ Homieli ŭ 1970 hodzie i maje ahulnuju praciahłaść 293 mietry. U adpaviednaści z rasparadžeńniem Homielskaha harvykankama z 15 krasavika 2009 hoda ruch pa moście zakryty ŭ suviazi ź niebiaśpiekaj uźniknieńnia avaryjnych situacyj — vyklikaje zakłapočanaść tryvałaść kanstrukcyj i karozija vuzłoŭ pralotnaha zbudavańnia.