Maškievič sustreŭ 50-hodździe ŭ kampanii Milinkieviča i Šałkieviča
+ fota
31 traŭnia spoŭniłasia 50 hadoŭ byłomu pasłu Polščy ŭ Biełarusi Maryjušu Maškieviču. «Naša Niva» pavinšavała pana Maškieviča ź jubilejem i zadała niekalki pytańniaŭ.
31 traŭnia spoŭniłasia 50 hadoŭ byłomu pasłu Polščy ŭ Biełarusi Maryjušu Maškieviču. «Naša Niva» pavinšavała pana Maškieviča ź jubilejem i zadała niekalki pytańniaŭ.
Padčas padziejaŭ Płoščy ŭ 2006 h. Minski sud pakaraŭ Maškieviča aryštam na 15 sutak.
«Naša Niva»: Pan Maškievič, u jakim nastroi sustreli piacidziesiacihodździe?
Maryjuš Maškievič: Sustreŭ u dobraj kampanii svaich biełaruskich i polskich siabroŭ, u maim domie pad Varšavaj, u Michałovicach. Byli Alaksandr Milinkievič, Uładzimir Padhoł, Mikoła Markievič, Tadevuš Havin, Viktar Šałkievič, Piotra Rudkoŭski. Prezientavali knihu «Biełaruś u bok Jeŭropy», a taksama polskija pierakłady Uładzimira Arłova. Niekatoryja inšyja knihi, što vyjšli ŭ sieryi Biblioteka Bialoruska Kalehiumu Uschodniaj Jeŭropy. Jak bačycie, navat dzień naradžeńnia śviatkavaŭ ź biełarusami.
«NN»: A ŭvohule, ci atrymlivajecca sačyć za biełaruskimi padziejami?
MM: Zaŭsiody ź cikavaściu saču za tym, što adbyvajecca ŭ Biełarusi. Imknusia być u kursie vašych spravaŭ. Štodnia čytaju biełaruskija sajty, u tym liku nn.by.
«NN»: A jak aceńvajecie toje, što biełaruskija ŭłady abviaścili kurs na zbližeńnie z Zachadam?
MM: Składanaje pytańnie. Mahu tolki skazać, što ruch ubok Jeŭropy zamacoŭvaje biełaruskuju niezaležnaść.
«NN»: A čym uvohule zaraz zajmajeciesia?
MM: Ja kadravy rabotnik Ministerstva zamiežnych spraŭ. Ciapier voś čakaju novaha pryznačeńnia. Taksama zajmajusia navukovaj dziejnaściu.
«NN»: Jakija płany na bližejšyja 50 hadoŭ?
MM: Napisać šmat knižak. (Śmiajecca)
Maryjuš Maškievič (nar. u Iłavie 31 traŭnia 1959) — doktar humanitarnych navuk, dypłamat, publicyst. Zasnavalnik pieršaha polskaha konsulstva ŭ Hrodna, hienieralny konsuł u Horadni ŭ 1994 — 1997 hadach. Pasoł Polščy ŭ Biełarusi (1998 — 2002). 24 sakavika 2006 h. byŭ zatrymany milicyjaj na Kastryčnickim placy ŭ Minsku padčas pratestaŭ prychilnikaŭ pieramienaŭ. Minski sud pakaraŭ Maškieviča aryštam na 15 sutak.