«Dziaržava pavinna słuchać narod»: premjer Manholii syšoŭ u adstaŭku paśla pratestaŭ
Premjer-ministr Manholii Uchnaahijn Churełsuch abviaściŭ pra adstaŭku paśla pratestaŭ, jakija pačalisia z-za transparciroŭki paradzichi, zaražanaj COVID-19, bieź ciopłaha adzieńnia.
Pra heta paviedamlaje RBK sa spasyłkaj na ahienctva «Mancame».
«Heta pravilna, što maładyja ludzi vyjšli na vulicy, kab vykazać škadavańnie ŭradu. Dziaržava pavinna być usioviduščaj i ŭsiosłuchajučaj. Tamu narod skazaŭ svajo słova ŭradu i zapatrabavaŭ spraviadlivaści i adkaznaści ad premjer-ministra», — skazaŭ jon.
Raniej pra adstaŭku abviaścili taksama vice-premjer, kiraŭnik Dziaržaŭnaj nadzvyčajnaj kamisii pa baraćbie z karanavirusam Janhuhijn Sadbaatar i kiraŭnik Ministerstva achovy zdaroŭja Tahtmałyn Munchsajchan.
19 studzienia ŭ sacyjalnych sietkach źjaviłasia videa, na jakim bačna, jak žančynu i dzicia, jakoje tolki naradziłasia, pieravodziać z radzilni ŭ infiekcyjnuju balnicu bieź ciopłaj vopratki, abutku i srodkaŭ indyvidualnaj abarony. Paradzichu vyrašyli pieravieści ŭ inšuju miedustanovu z-za znojdzienaha ŭ jaje karanavirusa. Videa vyklikała hramadski rezanans. Paśla hetaha ŭ centry Ułan-Batara prajšła akcyja pratestu.
Pavodle apošnich danych Ministerstva achovy zdaroŭja Manholii, u krainie vyjaŭlena 1584 vypadki zaražeńnia karanavirusam, ačuniali 1046 čałaviek.