Mierkiel zapatrabavała «nieadkładna i vielmi terminova» vyzvalić Navalnaha
Kancler Hiermanii Anhieła Mierkiel zaklikała rasijskija ŭłady vyzvalić palityka Alaksieja Navalnaha, piša DW.
— Viadoma, ja patrabuju nieadkładna vyzvalić spadara Navalnaha. Fiederalny ŭrad ličyć, što heta było b pravilnym. I vielmi terminova, — adkazała Mierkiel na pytańnie DW na pres-kanfierencyi ŭ Bierlinie ŭ aŭtorak, 21 studzienia.
Alaksiej Navalny ŭ žniŭni byŭ atručany ŭ Rasii zabaronienym bajavym atrutnym rečyvam z hrupy «Navičok» i zatym pieraviezieny na lačeńnie ŭ Niamieččynu. Paśla kursu reabilitacyi jon 17 studzienia viarnuŭsia ŭ Rasiju i adrazu ž byŭ zatrymany, a paśla aryštavany na 30 sutak.